लागणारे जिन्नस:
१, २ कांदे, ४,५ लसणीच्या पा़कळ्या, धणे-जिरे १/२ टीस्पून प्रत्येकी, ३,४ लाल सुक्या मिरच्या, थोडी चिंच, गूळ, मीठ.

क्रमवार पाककृती:
कांदे सालं काढून गॅसवर भाजून घ्यावेत. धणे-जिरे व सुक्या मिरच्या कोरड्या भाजून घेऊन मिक्सरमध्ये वाटून घ्यावेत. कांदा गार झाल्यावर मिक्सरमधे वाटून घ्यावा. त्याचबरोबर लसणीच्या पाकळ्या, चिंच, गूळ, मीठही काढावे. नंतर सर्व एकत्र करावे.
अधिक टिपा:
ही चटणी भाकरीबरोबर छान लागते.
(खूप वर्षांपूर्वी ही रेसिपी माबोवर टाकली होती)