खरंतर कलाकृती विभागात याचा धागा काढणं मजेदारच आहे. पण बाकी कोणत्या गटात बसेल हेही वाटेना. म्हणून इथे काढला धागा. दुसरीकडे हलवायला हवा असं वाटलं तर सुचवा.

नवीन काही दिसलं की लगेच त्याच्या मागे धावायचं, अशी माझी हौस असतेच कायम. त्याला अनुसरून हे प्रकरण बघितल्यावर लगेचच विशलिस्टमधे जाऊन बसलंच होतं. मला वाटतं तीनेक वर्षं तरी झाली याला. फायनली काल मुहूर्त लागला. पण आता जरा शहाणी (जराशीच हां) झाल्यामुळे लगेचच सगळा कच्चा माल मागवला नाही. आहे त्या सामानात करून बघू, जमलं, हौस टिकली तर पुढचं सामान मागवू असं ठरवून हे कोकोडेमा बॉल्स करून बघितले आहेत.