ऑगस्ट २०१५ च्या एका दुपारी जरा एका ऑफीसमध्ये काम होते म्हणून जेवण उरकून लेकाला घरीच ठेवून सायकलने निघाले होते. वाटेवर एका झाडाच्या ४-५ चेरी तोंडात टाकून जरा पुढे गेले आणि काही कळायच्या आतच चक्कर येऊन पडले. नशिबाने सायकल रस्त्याच्या कडेला गवतावर घेतली होती. विजेचा पोलाच्या एक फुट पुढे जाऊन आणि मुख्य रस्त्याला लागण्यापुर्वीच पडले होते.

घरी जाऊन आधी दवाखान्यात फोन केला. अचानक चक्कर येऊन सायकलवरून पडल्याचे सांगितल्याने दुसर्‍या दिवशीची सकाळची भेटण्याची वेळ मिळाली. डॉक्टरला रक्त, लघवी तपासल्यानंतर दोन्हीकडे साखर असल्याचे आढळले.
दुसर्‍या दिवशी उपाशीपोटी परत रक्ततपासणी केल्यानंतर कळाले की रक्तात साखरेचे प्रमाण खूप जास्त वाढले आहे.

.
.
.
.
.

मी एवढे मनावर घेऊन आहारात बदल का केले तर मला सारखे वाटत राहाते की आई हवी होती, तिची खूप कमतरता जाणवते. मला जे आता वाटतेय ते माझ्या पिल्लाला वाटता कामा नये. त्याला हवी तेव्हा त्याची आई त्याला मिळायलाच हवी म्हणून मला निरोगी आयुष्य जगणे अपरिहार्य आहे. ते जगण्यासाठीचे प्रयत्न करणे हे माझ्याच हाती आहे, नाही का?


The Perfect Treatment for Diabetes and Weight Loss By Dr. Fung with Dr. Andreas

नक्की पाहा हा व्हिडीओ.