कृष्णाष्टमी------
कृष्ण कृष्ण गाता
मन तेथून न हालेना

दही घुसळत असता
नवनीत काही निघेना

कृष्णकृष्ण आठवता
लोणी वरतीआलेना

दही-लोणी शिंकाळ्यात ठेवता
मनीची धाकधुक जाईना

: दही हंडी काढता
तोल सावरता येईना

कान्हा कान्हा पुकारता
कोठून आला कळेना

खांद्या-खांद्यावर चढता
कोणाचेच लक्ष जाईना

सांडले दही थाप मारता
मनी आनंद माईना

गोविंदा आला रे आता
पण पेंद्यास नाचता जमेना

त्याच्या भोवती फेर धरता
गोकुळ हसले सारे गुंगले ना

विजया केळकर_______