माऊली
माझ्या माऊलीची ओवी
डोळे मिटायला लावी
सारी स्वप्ने पूरी व्हावी
अमृतफळे चाखावी

माये शिकवी गणित
सारे हिशोब ओठात
कधी समजे पाठीत
माझे घडवी भाकीत

माझ्या माऊलीचा श्वास
सदा भासे आसपास
दिसे विठोबा भक्तास
घेई परीक्षा दुर्वास

माझ्या माऊलीची आण
होण्या विजयाची खाण
घेई कष्टाचेच वाण
गाते गोडवीचे गाणं

माझ्या माऊलीचे हात
भरवती दाल-भात
शिकवती रीत-भात
बहुगुणी जीवनात

विजया केळकर________