सक्युलंट्स माझ्या घरात पहिल्यांदा आली ती या वर्षीच. तोपर्यंत या झाडांना मी सरसकट कॅक्टस म्हणायचे.
पण या गोड झाडांनी चांगलाच तग धरला माझ्या बागेत. छान रुजली, मोठी झाली. पहिल्यांदा ही झाड जागवताना, मोठी करताना चुकत माकत शिकत गेले. काल सक्युलंट प्लांटर्सच्या माझ्या धाग्यावर शूम्पीने सक्युलंट्सच्या काळजीबद्दल विचारलं. त्या अनुषंगाने माझा अनुभव लिहिते.
सक्युलंट जगावीत आणि चांगली वाढवीत असं वाटत असेल तर पहिली गोष्ट लक्षात घ्यायला हवी ती म्हणजे त्यांचा ओरिजिनल हॅबिटॅट.
