एका रविवारी सकाळी निवांत बसले असताना एक सुंदर फुलपाखरू माझ्या बाल्कनीतल्या झाडांजवळ भिरभिरताना दिसले . ते कडीपत्त्याच्या झाडाजवळच जास्तवेळ घुटमळत होते . तेव्हा माझ्या लक्षात आले की त्याला अंडी घालायची आहेत. ( फुलपाखरे साधारणपणे कढीपत्ता किंवा लिंबाच्या झाडावर अंडी घालतात) . बाल्कनीला कबुतरांसाठी जाळी लावल्यामुळे फुलपाखरू पानांवर बसू शकत नव्हते . म्हणून मी हळूच ३ -४ डहाळ्या जाळीबाहेर काढल्या आणि लांबून बघू लागले . तेव्हा फुलपाखराने पानांमागे अंडी घातली अन् उडून गेले . आणि सुरु झाला एक सुंदर जीवनप्रवास !
तू आलास
तुझ्या आगमनाची तयारी आम्ही चौघांनी आधीच करून ठेवली होती. दहा दिवस माझ्या घरी राहिलास.
ते दहा दिवस माझ्यासाठी नेहमीच शांतवणारे आणि तू माझ्याजवळ आहेस हा दिलासा देणारे असतात. खूप बरं वाटतं आत कुठेतरी.
तू आहेस.
आत्ता. इथे.
माझ्या घरी.
माझ्या डोळ्यांसमोर.
मनाला वाटेल तेंव्हा तुला डोळे भरून पाहता येतं.
बोलत बसता येतं तुझ्याशी.
रोज तुझ्यासाठी हार गुंफताना तल्लीन होऊन जाते मी.
हिंदी / मराठी इंग्लीशUse Ctrl+Space to toggle
फाँट वाढवायचा असल्यास : कीबोर्डवरील Ctrl + ही बटणे एकाच वेळी दाबा.
