घरी दूध खूप शिल्लक होतं म्हणून पनीर करून काहीतरी करायचं ठरवलं. घरी पनीर पहिल्यांदाच करत होते. मग कुणाल कपूरची रेसिपी बघून दोन लिटर उकळत्या दुधात मीठ घातलं, एका लिंबाचा रस घातला पण हाय रब्बा दूध फुटतच नव्हतं. पुन्हा एक लिंबू पिळून ढवळा मारून दहा मिनिटं रामभरोसे उकळत ठेऊन पुस्तक वाचत बसले. थोड्या वेळाने पनीर झालं एकदाचं. मग ते कापडात बांधून, थंड पाण्यात घालून, पिळून फ्रीजमध्ये ठेवलं आणि पुढचा कार्यक्रम सुरू केला.
