सृजन म्हणजे जणू आपल्या अंतर्यामीचा उन्मेष!

या उन्मेषाचे विविध आविष्कार एका व्यासपीठावर आणण्याचा एक अभिनव उपक्रम आम्ही 'मैत्रीण.कॉम' वरील सर्व मैत्रिणींसाठी घोषित करत आहोत - सृजनाच्या वाटा.

या उपक्रमांतर्गत दर महिन्यासाठी एक विषय (थीम) निवडण्यात येईल. त्या एक महिन्याच्या कालखंडात या विषयाच्या अनुषंगाने सदस्य मैत्रिणींनी आपापल्या कलाकृती इथे सादर करायच्या आहेत. या कलाकृती कोणत्याही स्वरुपातील आणि / किंवा माध्यमातील स्वनिर्मित कलाकृती असू शकतील.