मी गेले काही दिवसांपासून दारापाशी रोज रांगोळी काढते. कारण विशेष काही नाही. सातत्याने काही करायची सवय लागावी म्हणून, बघताना छान वाटतं म्हणून, हात - बोटांना व्यायाम घडावा म्हणून. मी रांगोळ्या मनाने काढत नाही. मला आवडतात, तशा भूमितीतले आकार असलेल्या, ठिपक्यांच्या आणि छोट्या रांगोळ्या असणार्‍या वेबसाईट मी शोधून काढल्या आहेत. इथे लिंक देते.
मी एकटी राहते म्हणून मला माझ्या रोजच्या आयुष्यातल्या गोष्टी सोप्या कशा होतील याकडे फार लक्ष द्यावं लागतं.
उदाहरणार्थ, पार्सल येणार असेल आणि मी नेमकी अंघोळीला असेन किंवा बाहेर जाणार असेन, तर मला डिलिव्हरीवाल्याला फोन करून सांगावं लागतं – "पार्सल सिक्युरिटीकडे ठेव", "शेजारी दे" वगैरे. त्याला हे आधीच कळवणं गरजेचं असतं, कारण मी बाहेर गाडी चालवत असेन आणि त्याच वेळी त्याने मला फोन केला, तर तो गोंधळेल आणि त्याचा वेळ वाया जाईल – हे टाळणं हेच माझं उद्दिष्ट असतं. मग शेजाऱ्याला सांगणं, डिलिव्हरीवाल्याला नेमकी वेळ विचारणं – यात बराच वेळ जातो.
