पंचवीस डिसेंबरची सुट्टी यापलीकडे लहानपणी कधीच नाताळशी फार संबंध आला नाही. जपानला गेले तेव्हा विमानतळावर अगदी सिनेमात पाहिल्यासारखं सजलेलं ते ख्रिसमस ट्री प्रत्यक्ष बघून एक फोटो काढला होता. जर्मनीत आल्यापासून तर ख्रिसमस आणि त्याआधीपासूनची दिसणारी तयारी सगळं जवळून अनुभवलं, त्यातही खास जर्मन लोकांच्या परंपरा समजत गेल्या. गणपती, दिवाळीसोबतच ख्रिसमसच्या पण दर वर्षीच्या आठवणी आता जमा झाल्या.
थँक्सगिव्हिंग संपला आणि डिसेंबर आला की ख्रिसमस डेकोरेशन, व्हेकेशन, हॉलिडे प्लॅनिंग, काही नाही तर नुसतं सुस्त होऊन थंडीचा आस्वाद घेणे याबद्दल माझे डेड्रिमिंग सुरू होते. थंडी स्पेशल खाऊ तर आठवतोच(माझ्यासाठी क्रॉसाँ+देसी पॅटी) पण हॉलिडे स्पेशल मुव्हीज व पुस्तकंही आठवायला लागतात. हा धागा मुव्हीसाठी. मला वाटतं पुस्तकांचा पण काढावा! :)
तर- ख्रिसमस, थंडी म्हटलं की मला पुढील मुव्हीज आठवतातच! आणि मी ते दरवर्षी न चुकता पाहते. होम अलोन, जिंगल ऑल द वे, लव्ह अ‍ॅक्चुअली, ख्रिसमस विथ द क्रँक्स, लास्ट हॉलिडे आणि हल्ली हल्लीच मैत्रीणवर कळलेला पण या यादीत आलाय- द हॉलिडे.
