आयुष्य खूप छोटं आहे*
*हां हां म्हणता मृत्यू येईल*
*प्रेम करायचं राहिलं म्हणून*
*शेवटी खूप पश्चताप होईल*
सकाळ सकाळी विराजने पोस्ट टाकली . अगदी सकाळ सकाळी
वा क्या बात है . तिने अंगठा दाखवला . आणि सकाळच्या कामाला लागली. आज सुट्टीचा दिवस रविवार . मस्त मजेत आळसाचा दिवस . खूप वेळ मेसेजवर बोलण्याचा दिवस .नेहमी प्रमाणे रविवारच आवरून वगैरे दुपारचा साडेअकरा -बारा वाजत तिने मेसेज केला
"मस्त चारोळी पाठ्वलीस रे सकाळ सकाळी "
." हो मुदामूनच तुला खुश करायला "
"थांब हा जरा मी गिरनार ग्रीन टी घेऊन येते . तुझ्यासारखा हॉट आणि स्वीट . मग माझ्याशी बोल"
रविवार सुट्टीचा दिवस दोघांनाही त्याला हि आणि तिलाही
सकाळ सकाळीच विराजचा मेसेज . " निघी आय वॉन्ट टू हग यु " दोन मिनिटेच निधी जरा बघत बसली त्याच्या मेसेज कडे . असं काय हा ? डायरेकट हे काय ? लगेच पुढचा विचार आलाच " आजकाल अशी यंग मुलं अशी बरीच असतात बिनधास्त मित्र -मैत्रिणीकडे ह्ग मागणारी . त्यात काय एवढं ? बाऊ करण्यासारखं काही नाहीये." तिने मनाला समजावलं
आणि "थांब जरा . थोड्यावेळाने बोलते " असा मेसेज टाकून मोकळी झाली .
एक दिवशी तर त्याने कमालच केली रविवारचा दिवस म्हणजे सुट्टीचा दिवस . त्या दिवशी तर दोघेही एकमेकांच्या मेसेज ची वाट बघत असायचे . पण त्या दिवशी काही तो दिवसभर फिरकलाच नाही . निधीचा जीव कासावीस झाला रागाचा पारा चढला आणि "बस झाली तुझी नाटक . आता मी काही बोलत नाहीये तुझ्याशी "असा मेसेज टाकून ती लॉग आऊट झाली . तिला स्वस्थ तरी बसवताय का ? रात्री जरा उशिरानेच डोकावली तर याचा मेसेज "ओये बेब . कशी ग तू ? एवढं काय ग. दिवसभर जरा ड्राइव्ह करत होतो ना . मग कसा लिहिणार मेसेज ? तूच तर म्हणतेस ना ड्राइव्ह करताना मेसेज लिहू नको असं ?
निधी ने फोन उचलला काय आणि पुढचे तास भर ते बोलतच राहिले -बोलतच राहिले. निधीने तिच्या पर्सनल गोष्टीं बद्दल विचारण्याची त्याला मनाई केली होती पण त्याने त्याच्या पर्सनल गोष्टी सांगायच्या नाहीत असं त्याने तर काहीच ठरवलं नव्हतं. त्याच म्हणणं होत त्याच्या आयुष्यातल्या घटना या त्याच्या क्लोज फ्रेंड साठी खुल्या आहेत . मग काय बोलण्याची आतषबाजी झडली आणि तासाभराने "तू किती बावळट आहेस "आणि "तू किती येडपट आहे " अगदी "येडुच आहेस तू " या एकमतावर दोघांनी कॉल बंद केला
आताशा हळू हळू रोजच त्यांचं ऑनलाईन बोलणं व्हायला लागलं . काही हि सटरफटर विषय असायचे . पण विषयांमध्ये तोच तोच पणा येतोय असं निधीला वाटायला लागलं . एकदा विराज ने तिला विचारलं सुद्धा ". काय झालं ग . आजकाल बोलत नाहीस जास्त "
"अरे रोज उठून काय बोलणार रे. ऑनलाईन फ्रेंडशिप असच असत बघ . थोडे दिवस बोल बोल बोलतो आणि मग विषयच संपून जातात मग बोलायला काहीच उरत नाही . हळू हळू बोलायला कुठलेच विषय नसल्याने रोज मेसेज करणारे आठवड्यात दोन किव्वा तीन वेळा मेसेज करायला लागतात आणि आणखीन काही आठ्वड्यात ते पण बंद होत . ऑनलाईन फ़्रेंडशिप अशीच असते रे. तिला काही आयुष्य नाही . भवितव्य नाही
निधीने रात्री झोपता झोपताच ठरवलं सकाळी उठल्या उठल्या विराजला तिला जे काही सांगायचं होत ते सांगून टाकायचं" त्याप्रमाणे सकाळी उठल्या उठल्याच निधीने कळवून टाकलच .
रंग माझा वेगळा- भाग -२
काय मग कशी काय ? एकदम फ्रेश ना ? सकाळ सकाळी त्याचा मेसेज बघून ती सुखावली . अरे याला कस कळलं आपण फ्रेश आहोत ते. आय मिन रात्री मस्त झोप लागली ते . काहीतरी खास आहे त्याच्या वागण्या -बोलण्यात . " येस एकदम फ्रेश . ती बोलून गेली . " मला माहितीच होत तू रात्रीच फ्रेश झाली असणार ते. " अरे मनकवडा आहे का हा ? "चल चल जास्त बोलू नकोस " ती पटकन बोलून गेली . " अग माझ्याशी बोलल्यानंतर कोणीही फ्रेश च होत माहितीये मला ? "आता मात्र तू जास्तच भाव खायला लागला आहेस ह . एवढं पण नाही काही" ती त्याला झटकून देत म्हणाली
