आठवण
( आईच्या स्मृतीदिना निमित्त ----- )
कधीच नाही ऐकिले तिचे गायिलेले गाणे
सतत आठवते ऐकिलेले स्तोत्र-पठण
अन्नपूर्णा प्रसन्न,कुशल सुगरण
पदार्थ चविष्ट, असो पुरण वा शिकरण
सुबक रांगोळी करून सडा-सारवण
पक्ष्यांस दाणा आणि नेमे गोग्रास घालणं
प्रपंच नेटका,टापटीपीचं शिवण
प्रसंगी काटकसर आणि गणित शिकवणं
दैवत राम-कृष्ण, ऐकावे वेळोवेळी भागवत पुराण
न चुके कार्तिकस्नान,श्रावणमासी 'सत्यनारायण'
म्हणावे आवडीने आठवले की भजन
जय जय राम कृष्ण हरि,नामस्मरण
तिच्या लुगड्यांची गोधडी उशाशी असणं
प्रेमळ स्पर्शसुख व उबदार पांघरूण .......येते आठवण....
