शनिवारी नेहेमीप्रमाणे इथल्या Marche म्हणजे आठवडी बाजारात गेले होते. मला या बाजारात जायला फार आवडते. सगळ्या सिझनल भाज्या, फळे, मश्रुम्स, मीट, चीज, ब्रेड यांचे एवढे प्रकार बघायला मिळतात की डोळ्यांचे अगदी पारणे फिटते. सध्या एकटीच असल्याने खरेदी फार नसते पण शनिवार सकाळ इथे घालवणे हा आवडीचा कार्यक्रम आहे माझा. तर परवा, माझ्या नेहेमीच्या भाजीवाल्याकडे लालचुटूक मिरच्या दिसल्या. भानामती वगैरे झाल्यासारख्या काही विचार न करता मी त्या घेऊन टाकल्या. मग घरी येऊन याचे काय करायचे हे विचार सुरू झाले. मस्त ताज्या मिरच्या होत्या, फार जहाल तिखट वगैरे नव्हत्या. आणि १०-१२ च होत्या.

तर, परवा अगदी हलके काहीतरी खायचा मूड होता. नेहेमीची मुगाच्या डाळीची खिचडी नको होती. मग आईशी बोलताना या खारा पोंगलची आठवण निघाली. मग केलाच. छान झाला, इथे रेसिपी दिसली नाही आणि स्वतःच्या रेफरन्सकरता पण लिहून ठेवावी म्हणले. माझा एक कझिन बंगळूरूला असतो. आई काही दिवस तिकडे गेली होती, त्यांच्याकडच्या मदतनीस ताईनी केला होता, बहुतेक ऑथेंटिक असेल. नसेल तर जाणकारांनी सूचना कराव्यात. तर नमनाचे तेल झाल्याने साहित्य आणि कृती.

साहित्य (२ व्यक्तींकरता)

मधे कशासाठी ते लक्षात नाही पण उगीचच मसूर डाळ आणून ठेवली होती. बहुतेक डोशात घालायला का काय माहिती. आणि १/२ किलोशिवाय मिळतच नाही. त्यातून सध्या एकटीच असल्याने अजिबात गोष्टी संपत नाहीत. तर त्या मसूर डाळ कशी संपवावी या गरजेतून जन्मलेली ही पाककृती. मुद्दाम यासाठी प्लीज डाळ आणू नका, पण घरात असेल तर नक्की करून बघा. झटपट होते एकदम!

साहित्य (२ माणसांसाठी)

बीट बटाटा सॅलड / कोशिंबीर

साहित्य -

२ उकडलेले बटाटे
२ उकडलेले बीट
१ टीस्पून तीळ
१/२ टीस्पून जिरे
१/४ टीस्पून बडीशोप
१/४ टीस्पून साखर
चिमूटभर आलं (किसून)
चिमूटभर ओली हळद (किसून)
१ चमचा तेल (मी सूर्यफूल तेल वापरलं पण कोकोनट ऑईल सुद्धा चालेल असं नंतर वाटलं)
मीठ, मिरपूड,
बेसिलची पानं

कृती -

बीट आणि बटाटा दोन्हीचे मध्यम आकाराचे तुकडे करून घ्या. त्यात मीठ, मिरपूड, साखर, किसलेलं आलं आणि ओली हळद सगळं एकत्र करा.