केव्हाची मधुबनी स्टाईलमध्ये एखादं चित्रं रंगवायची इच्छा होती.

नेटवरून मधुबनी स्टाईलमध्ये एक गणपती सिलेक्ट करून घेतला. ठोबळमानानं तो मनात धरून त्यावरून मी गणपती चितारला. अर्थात ही शुद्ध मधुबनी आर्ट नाहीये कदाचित. हे फ्युजन असेल फारतर.

कागद : ३०० GSM चा आहे.

रंग : पोस्टर कलर्स - Chrome Yellow Deep Hue, Crimson, Poster Green
याशिवाय गणपतीच्या ठळक रेषांसाठी PikPens permanent marker -500, आतील नक्षीसाठी Staedtler triplus fineliner आणि इतर काही ठिकाणी Staedtler Lumocolour permanent markers वापरले आहेत.

या स्टेप्स :

श्री गणेशाचे काढून दिलेले चित्र रन्गवले आणि स्वतः काही काढावेसे वाटू लागले.

मी स्वतःहून काढलेले पहिले-वहिले चित्र. यामागची प्रेरणा आहे 'गणराज रन्गी रन्गतो हा मैत्रीणवरचा उपक्रम.

साध्या पेन्सिलीने काढले व फॅबर कॅसल क्रेयॉन्सने रन्गवले.

लेकीनं - लारानं - बनवलेलं हे पॉलिमर क्लेचं गणपती पेंडंट. सध्या नुसतंच आहे. हेडपिन लावून मग बेक केलं की पेंडंट म्हणून वापरता येईल.

इंटरनेटवरच्या कोणत्याश्या गणपतीच्या फोटोवरून लारानं हे बनवलं आहे. केशरी रंगाची पॉलिमर क्ले लाटून त्यातून गणपतीच्या कोलाजचे तुकडे एका टूलनं कापून घेतले आणि दुसर्‍या चौकोनी पॉलिमर क्लेच्या तुकड्यावर चिकटवले आहेत.

आमचं माफक सृजन!

हे माझे गणपती बाप्पा - मागे कधीतरी काढलेले. बाकी काही चित्र-बित्र काढायची मी हिंमत करत नाही. पण गणपती बाप्पा उदार मनाने सर्व माफ करतील म्हणून हिंमत केली. :rollingeyes:

हे २ वर्षापूर्वी मुलाने (त्यावेळी ६ वर्षे) गणपतीकरिता बनवलेले लेगो मंदिर मखर

(थोडा जुना पाऊस आहे हा... पण इथल्या सगळ्या छान छान पोस्ट पाहून शेअर करावासा वाटला)

तू लांब गेल्यानंतरचा पहिलाच पाऊस हा! नाही.. नाही म्हणजे आभाळ भरुन आल्यावर माझं मन दाटुन वगैरे आलं नाही. किंवा पावसाचे थेंब आणि माझे अश्रु वगैरे असंही काही झालं नाही. अगदी खरं सांगु तर तुझी आठवणही आपणहुन आली नाही... आत्ता तासभर पागोळ्यांशी खेळत पडवीत बसले होते, पावलांवर पावसाचं पाणी झेलत..

पाऊस - कधी धो-धो पडणारा, तर कधी रिमझिम बरसणारा, कधी रौद्र रुपात तांडव करणारा तर कधी गायब होणारा ! अशी पावसाची विविध रुपे तर सर्वज्ञात आहेत. पण या नेहमीच्या पावसाव्यतिरिक्त आहे का असा एखादा पाऊस जो आपल्या सार्‍यांना चिरपरिचित आहे अगदी अनादि काळापासून?

अगदी तान्हे बाळ असतानाही आपल्या गरजा, हट्ट पूर्ण करुन घेण्यासाठी आपण 'या पावसाचा' उपयोग करुन घेत असतो. या पावसाचे थेंब पाहून भलेभले घायाळ होतात, अगदी शरणागतीही पत्करतात.

गॄहराज्यावरी गाजवी सत्ता राजा चिमणा एक
अन या 'चिमण्या राजाचं' हुकुमी अस्त्र असतं 'हा पाऊस' !

काही वर्षांपूर्वी लोणावळ्यातील एका शिखरावर बांधलेल्या अप्परडेक नामक रिसॉर्टमध्ये ऐन जुलै महिन्यात जाण्याचा योग आला होता. तिथेच टिपलेली काही प्र.चि.

१. सावळ्या ढगांना या पाण्याचं ओझं पेलेनासं झालंय जणू आणि आता कोणत्याही क्षणी ते बरसतील

२. पण त्याआधी अंमळ डोंगरमाथ्यावर विसावून घेऊ

पाऊस म्हणले की आठवतात ती पुस्तके! खिडकीशी बसून चहा पीत पाऊस बघणे यातच खरे सुख! हॉस्टेलला असताना माझी कॉट अगदी खिडकीशी होती. पडद्यांना खिळे मारायला परवानगी नव्हती म्हणुन फक्त काचेच्या दारे असलेल्या खिडक्या! सेमेस्टर सिस्टीममुळे अभ्यासाव्यतीरिक्त फार काही वाचायला वेळ मिळायचा नाही तरी एखादी कादंबरींका होईना वाचली जायची. कॉलेज नुकतेच चालू झालेले असायचे. मस्त पावसाची झिम्मड, भिजणारे गवत खिडकीतून बघताना चहा हा हवाच! मी पट्टीची चहाबाज वगैरे अजिबात नाही. रोज हवाच असे नाही, पण पाऊस आणि पुस्तक या काँबीनेशन बरोबर तो हवाच!

तर असा हा चहा! मी केलेल्या कपातून प्यायला या!

हे लारानं साधारण तीन वर्षांपूर्वी तयार केलेलं चित्रं आहे. त्यावेळी ती ९ वर्षांची होती.

यात पेपर कटिंग ( छत्री), कागदाच्या उलटसुलट घड्या (मुलीचा फ्रॉक), छत्रीवर चिकटवलेलं फूल अशी हस्तकला आहे आणि बाकी चित्रं जलरंग आणि स्केचपेनानं रंगवलं आहे.