इथे पिअर वन, कॉस्ट प्लस वगैरे ठिकाणी खुप सुंदर गिफ्ट बॅग्स मिळतात. त्यातही वाईन बॉटल्स गिफ्ट द्यायला म्हणून अत्यंत सुंदर बॅग्स मिळातात. त्यातही बर्‍याच साडीपासून बनवलेल्या वगैरे वाटतात. मला त्या खुप दिवसापासून करायची इच्छा होती पण केल्या नव्हत्या. एकदा दारात एक पार्सल येऊन पोचले आत बर्‍याच छान छान ओढण्या कॉटन, ऑर्गॅन्झा वगैरे. सोबत एक पत्र - या माझ्या ओढण्या आहेत त्या सत्कारणी लाव. - मेधा!

सध्या आमच्या घरात क्राफ्टींग प्रोजेक्टचे वारे वाहत आहेत.लेक (वय वर्षे ३.३ ) शाळेत वेगवेगळे क्राफ्ट्स करायला लागल्या पासून घरी सुद्धा रंगीत पेपर, ग्लू, कलर्स घेऊन 'मी प्रोजेक्ट करतेय' असं म्हणत आकार कापणे , रंगवणे,चिकटवणे असं काही तरी करत असते. घर आवरताना एक पॅकेजिंगचा कार्ड्बोर्ड सापडला. त्याचा शेप इंटरेस्टींग वाटल्याने जपून ठेवलेला. नेमला लेकीच्या हातात आला.तीने तो कशाचा आहे हे विचारल्यावर मी ह्याचा प्रोजेक्ट करायचा आहे असं सांगितलं . मग आम्ही दोघींनी मिळून केलेला हा आमचा छोटासा प्रोजेक्ट :)
वापरलेल्या वस्तू :
बेस - ज्युसरच्या पॅकेजिंगचा कार्डबोर्ड
घरे - पेपर रोल आणि कार्ड पेपर

हे आमच्याकडचं "Slice of Monsoon"..
आमची स्वतःची लहानशी पावसाची सर...

भारतातल्या ज्या अगणित गोष्टी आम्ही इथे मिस्स करत असतो त्यातली सर्वात महत्वाची म्हणजे मुसळधार पाऊस... खरं तर ओव्हरआल पाऊसच! त्यामुळे जेव्हा असं काहीतरी करूया हे डोक्यात आलं तेव्हा एक दिवसही वाया न घालवता आम्ही ही सर करायला बसलो आणि काही तासात पूर्णही झाली कि...

काही तास लागले कारण आम्ही बऱ्याच गप्पा मारत बसलो.. आम्ही म्हणजे मी आणि नवरा! पाऊस बनवायचा म्हणजे पावसाच्या गप्पा आल्याच... एकमेकांसोबत साजरे न केलेले आमचे २५-२७ पावसाळे आठवून त्यातले किस्से सांगत बसलो बराचवेळ. नाहीतर तासाभरात आरामात होईल ही कलाकृती.

ही मूळ संकल्पना माझी नाही. याबद्दलचा लेख एकदा वाचला होता. तो प्रयोग स्वतः करुन पाहिला. त्यानंतर दोन-अडीच वर्षांपूर्वी लेकाच्या शाळेत आयोजित करण्यात आलेल्या विज्ञान प्रदर्शनासाठी मी हा प्रयोग सुचवला होता ज्याचे फार चांगल्या प्रकारे शाळेत स्वागत झाले. प्रदर्शनातही या प्रयोगाची विचारणा अनेकांकडून झाली.

आज सॄजनाच्या वाटा या उपक्रमांतर्गत 'रिसायकल-अप्सायकल' या विभागात मी हा प्रयोग- साहित्य, कॄतीसह इथे देत आहे. याचा उपयोग विशेषकरुन ग्रामीण भागातील लोकांना होऊ शकतो आणि तेही जिथे भारनियमन आहे अशा ठिकाणी. विशेष म्हणजे यासाठी लागणारे साहित्य अत्यल्प दरात मिळू शकते.

मला किडूक मिडुक वस्तू जमवून ठेवायची सवय आहे. गिफ्टचे रॅपिंग पेपर, जुने कपडे, जुन्या बेडशिट्स, टॉवेल, कागद, मणी, जुने ड्रेस, ओढण्या, नविन कुर्त्यांच्या बाह्या अशा अगणीत वस्तू! त्याचे काहीतरी करू म्हणुन ठेवलेले असते. अशाच माझ्या काही नविन कुर्त्यांच्या बाह्या मी जोडुन घेतल्या नाहीत त्या देशात कुठेतरी लोळत न ठेवता आठवणीने इकडे आणल्या होत्या. अशा ६-७ ड्रेसच्या बाह्या होत्या. त्या नीट कापून मागे इतर काम करताना उरलेले कापड लावून मी टी कोस्टर बनवले होते. ते एका इस्टकोस्ट ट्रिपमधे २-३ मैत्रीणींना गिफ्ट म्हणुन दिले. त्या अजुनही आठवणीने वापरतात. त्याची काही छायाचित्रे -

माझ्या एका कवितेला दिलेले हे दृकश्राव्य रूप. अगदी वसंत ऋतुच यात आहे असे नाही. पण एकूणच निसर्ग आणि त्यातील सृजनता यात डोकावतेय म्हणून इथेही टाकतेय. यातील चित्र मी फोटोशॉप वापरून काढली आहेत. अन अ‍ॅनिमेट केली आहेत. आशा आहे तुम्हाला आवडेल :)