तहान लाडू

Submitted by मितान on

(आजी मोड ऑन)
तहान लाडू
तर अस्सं झालं.. पोरासोरांना लागल्या सुट्ट्या. पण त्यायच्या मायबापांना सुट्या नाहीत. मग आली सगळी गावाकडे आज्जी आज्जी करत ! मला म्हातारीला पोरं भवताली असली की काय काय करायचा उल्हास येतो. पोरांना पण तेवढाच बदल. इथं आमच्या खेड्यात ऊन उदंड! पांढर्‍या मातीचा फुफाटाच फुफाटा ! पण गंगेचं पाणी पण वाहातं असतं एवढं मात्र सुख. सकाळी सडा झाला की पोरांना उठवायचं. आणि तोंड वाजवत एकेकाचं आवरून घ्यायचं. लिंबाखालची आंथरुणं गोळा करा रे,दातं घासा रे, दूध प्या रे आणि मग गंगेला आंघोळीला हकलायला जावं तर पोरं माझ्यापुढं १०० पावलं उड्या मारत !

पाककृती प्रकार: 

आंबा, आमरस, नाॅस्टॅल्जिया वगैरे...

Submitted by प्रवासी on

उन्हाळा सुरु होतो. शाळेच्या सुट्ट्यांचे वेध लागतात.
परीक्षा संपल्या कि एकच हुर्यो होतो आणि मे येतो.
सोबत येतो तो.
आंबा.
फळांचा राजा.
आंब्याच्या आठवणी सांगणं कठीण आहे कारण प्रत्येक चांगल्या आठवणीत आंबा आहेच. लहान होतो तेंव्हापासून सगळ्या उन्हाळ्याच्या आठवणी पाडळीशी जोडलेल्या. पाडळी माझं गाव. छोटंसं खेडंच खरंतर. कराड रहिमतपूर रस्त्यावर वसलेलं. डोंगरांच्या मधोमध. दर उन्हाळ्याच्या सुट्टीत आम्ही सगळे पाडळीला चांगले दीड महिनाभर सुट्टीला जायचो. वीस बावीस जणांचं कुटुंब. सगळे काका काकू, चुलतभावंडं, आतेभावंडं जमायचो. फुल्ल दंगा चालायचा.

Keywords: 

लेख: 

ImageUpload: 

चक्राता

Submitted by साक्षीसमीर on

दोन वर्षांपूर्वी एका मैत्रिणीकडून किरण पुरंदरेंबद्दल समजले. लेकाला पुण्याजवळच्या एक दिवसाच्या कॅंपला पाठवले. त्याला कँप प्रचंड आवडला. पक्षी बघणे तर आनंददायी आहेच पण किरण पुरंदरेंबरोबर पक्षी बघणे खूपच रिफ्रेशिंग आहे. त्यांना सर वगैरे म्हणलेलं आवडत नाही आणि एकेरी किरण कसं म्हणणार त्यामुळे ते मुलांचे किरण काका आणि नंतर सगळ्यांचेच किका झाले. सगळे त्यांना किका म्हणूनच ओळखतात.

Keywords: 

दरवळ...

Submitted by मी कल्याणी on

मोहनाने आज परत त्याच्या मोहात बांधून घेतलं....
बेसावध क्षणी मोगऱ्याचा दरवळ बनून आला अन श्वासाश्वासात भिनला श्रीरंगाचा गहिरा ध्यास.....
ओंजळ भरून घेतली त्या गंधित चांदण्यांनी....
अलगद सोडून घेतली बोटं त्या अलवार क्षणातून ..
अन पसरल्या त्या चांदण्या उशीवर...
आता स्वप्नही होईल गंधित... तरल....
अन जाणिवा विरघळून जातील श्यामल निर्मोही नेणिवेत..

-कल्याणी

कविता: 

गाणं

Submitted by चिन्नु on

गाणं..

हृदयाला घट्ट बिलगून आहे एक गाणं..

एका एका श्वासाने भरत जातो अंतरा,
थोडा चंद्र, थोडा सूर्य की चांदण्यांच्या मात्रा..

फुलपाखरी पंख घेऊन भुर्र फिरून येते,
मनातल्या चोराला मोकाट सोडून देते!

कुठंकुठं खण्ण वाजते अनुभूतीचं नाणं..
चढ्या लयीत गाऊन घेत्ये मिठीतलं गाणं!

खोल खोलश्या विहीरीतून आलेत सूरपक्षी
गीत शिंपीत तुळशीपाशी तुझ्या रांगोळीची नक्षी..

एक सूर पारव्याचा, एक जीवनगाणं..
जुन्या गोधडीच्या मऊ पोतीचं आहे रेशीमगाणं...

Keywords: 

कविता: 

मुळ्याचे पराठे

Submitted by सायो on

लागणारे जिन्नस:
किसलेला मुळा-ज्या प्रमाणात हवा असेल त्या प्रमाणात,
बारीक चिरलेला कांदा- साधारण पाव वाटी,
मसाले- MDH चा पराठा मसाला, रजवाडी गरम मसाला, लाल तिखट, धणे-जिरे पावडर.
हवा असल्यास अर्धी/एक वाटी बारीक चिरलेला पालक,
भरपूर कोथिंबीर, चवीप्रमाणे मीठ, १ चमचा ओवा, फोडणीकरता तेल, जिरं, हिंग, हळद,
४,५ चमचे बेसन,
पराठ्याकरता कणी़क.
क्रमवार पाककृती:
मुळा किसून घ्यावा. कांदा, पालक, कोथिंबीर बारीक चिरुन घ्यावे.

पाककृती प्रकार: 

जबरदस्त व्हिडीओज!

Submitted by तेजु on

केसावर फुगाच्या यशानंतर अजून काही जबरदस्त व्हिडीओज पाहायला मिळाले. म्हंटलं असे हटके आणि सुपरहिट व्हिडीओज शेअर करण्यासाठी खास धागा असायला हवाच!

केसांवर फुगे
केसावर फुगा

Keywords: 

क्लोंडायक (Klondike) गोल्ड रश - भाग ७

Submitted by किलमाऊस्की on

क्लोंडायक (Klondike) गोल्ड रश - भाग १
क्लोंडायक (Klondike) गोल्ड रश - भाग २
क्लोंडायक (Klondike) गोल्ड रश - भाग ३
क्लोंडायक (Klondike) गोल्ड रश - भाग ४
क्लोंडायक (Klondike) गोल्ड रश - भाग ५
क्लोंडायक (Klondike) गोल्ड रश - भाग ६
---

क्लोंडायक (Klondike) गोल्ड रश - भाग ६

Submitted by किलमाऊस्की on

क्लोंडायक (Klondike) गोल्ड रश - भाग १
क्लोंडायक (Klondike) गोल्ड रश - भाग २
क्लोंडायक (Klondike) गोल्ड रश - भाग ३
क्लोंडायक (Klondike) गोल्ड रश - भाग ४
क्लोंडायक (Klondike) गोल्ड रश - भाग ५
---

लेख: 

बंध- कलिंदनंदिनी वृत्त

Submitted by चिन्नु on

बंध

कलिंदनंदिनी वृत्तः लगालगा लगालगा लगालगा लगालगा

अनाद आर्त साद ही, कशास आत्म ध्यास हा,
न मन पुरे न जन पुरे, कसा पुरेल श्वास हा?

नभात खेळ रंगतो, धरा तुझीच बावरी,
अचूक पेरशी कसा, चराचरात भास हा?

अरूप तू, अनंत तू, तरी तुलाच भाळते,
अरूप रूप देखण्या, अथांग रे प्रयास हा

अदेहदेहि धारणे, तुझ्या क्रिडा युगंधरा!
तुझेच नाम जोडता, अतूट हो समास हा!

नकोच ही अलौकिके, नकोत बंध पाश ही,
अमोघ प्रीत 'मल्लिका', न बंध- बंध खास हा!

Keywords: 

कविता: 

रातांबा पन्ह

Submitted by अबोली on

रातांब्याचं पन्ह: ( कोकम चं पन्ह)IMG_20190423_085816minalms.jpg
साहित्यःरातांब्याचा गर एक वाटी, गूळ चिरलेला दोन वाटया, मीठ चवीनुसार, एक टीस्पून जीरे पावडर, दोन ओल्या मिरच्या वाटून, पाणी.IMG_20190421_192417minalms.jpg

पाककृती प्रकार: 

Taxonomy upgrade extras: 

चैत्रगौर

Submitted by विजया केळकर on

चैत्रगौर

अंब्याच्या अंबारीवर झुलत
मोगरा सुगंध झेलत आली
लाडाची लाडली गौराई माहेरा आली ...

शांत शिशिरात किती वाट पहावी
फुटेल फुटेल चैत्र पालवी
कोकिळस्वर घुमता पहाटेस जाग आली
गौराई माहेरा आली ...
सोनसळी शेत शिवार गावी
एक एक ओंबी गाई ओवी
जात्यावरची आईची ओवी लाजली
गौराई माहेरा आली ...
सोसवेना उष्मा , झुल्यावर झुलवावी
डांगरमळ्यातील फळं- खिरणी द्यावी
विविध सुबक आरास पाहुनी कळी खुलली
गौराई माहेरा आली ...
हळदीकुंकवा सुवासिनींना आमंत्रणं धाडावी
भिजल्या हरभर्‍यांनी ओटी भरावी
आंबेडाळ,पन्हे,फराळानं तृप्त ही झाली

कविता: 

Pet sematary - पूर्ण स्टोरी सहित

Submitted by पूनम सावंत on

मुव्ही चं समीक्षण वगैरे हा माझा प्रांत नाही...तरी पण मी अनु च्या सांगण्यावरून मी हा प्रयत्न करणारे...
या मुव्ही ची बेसलाईन थोडक्यात सांगायची म्हणजे," अशी जागा जिथे प्रेतं चालू लागतात" A PLACE, WHERE DEAD STARTS WALKING

आहे ना भयानक???
तर बोस्टन वरून एक लहान गावात डॉक्टर लुई आपली पत्नी रेचेल, मुलगी एली , लहान मुलगा गेज आणि एक मांजर चर्च सोबत रिलोकेट होतो. ( सुरुवातीचा अर्धा तास माझा मिस झाला. का ते विचारू नका )
अर्थात फार काही नुकसान झालं नाही....
तर, त्यांच्या घरासमोर जेड नावाचा एक विक्षिप्त म्हातारा एकटा च राहत असतो....

Keywords: 

परकी दुःखं

Submitted by मितान on

कविता माझा प्रांत नाही. तरीपण एका खोल वेदनेतून हे या फॉर्म मध्ये लिहिलं गेलं. दोन वर्षांपूर्वी लिहिलेलं हे आज काही कारणाने वर आलं. अस्वस्थ वाटतंय !

परकी दुःखं दाराशी येतात तेव्हा हळूच कुरवाळावं

पाहुण्या आलेल्या मांजराला कुरवाळतो तशी.

त्याची पावलं उमटणार नाहीत,नख्या लागणार नाहीत इतपत सलगी करावी...

जिव्हाळ्याच्या आवाजात गुजगोष्टी कराव्या

त्याच्याच आवाजात बोलण्याचे सुख भोगून घ्यावे..

झेपले तर थोडा दूधभात घालावा म्हणजे ते अजून लाडीगोडी लावेल...

कोण कुठले गरीब बिचारे

देवा ! आई गं ! अरेरे ! वगैरे..

मनी साठलेले सुस्काऱ्यांचे घट रिकामे करत

कोकणातील काळे मोती ... करवंद

Submitted by मनीमोहोर on

मे महिन्यात कोकणात आंबे फणस तर असतातच पण तोरणं, चारणं, शिवणीची फळं, जांभळं, करवंद असा रानमेवा ही खूप मिळतो. . विषय निघालाच आहे तर चारणं म्हणजे काय ते सांगते. आपण सुक्या मेव्यातली चारोळी आणतो त्याचं फळ म्हणजे चारणं. हे तसं आकाराने गोल आणि लहानच असतं. गर ही अगदीच थोडा असतो बी भोवती. पण ती बी फोडली की आत चारोळी असते. ह्या बिया फोडणे हे खूपच वेळमोडं आणि कटकटीचे काम आहे. ती एवढीशी बी हातात धरून स्वतःच्या हातावर मारून न घेता छोट्याशा हतोडीने बी वर हलकेच घाव मारायचा कारण जोरात घाव बसला तर आतल्या चारोळीचा चेंदामेंदा नक्की.

Keywords: 

लेख: 

क्लोंडायक (Klondike) गोल्ड रश - भाग ५

Submitted by किलमाऊस्की on

क्लोंडायक (Klondike) गोल्ड रश - भाग १
क्लोंडायक (Klondike) गोल्ड रश - भाग २
क्लोंडायक (Klondike) गोल्ड रश - भाग ३
क्लोंडायक (Klondike) गोल्ड रश - भाग ४
---

लेख: 

बरिटो बाऊल

Submitted by मिनोती on

अमेरिकेत चिपोटले नावाचे एक सो कॉल्ड "मेक्सिकन" रेस्टॉरंट आहे. तिथला बरिटो बाऊल आणि कसेडिया खायला आम्ही कधी मधी जात असतो. एकतर इतका सारा ल्येटुस आणि टोमॅटो वगैरे बघितले की जरा हेल्थी खाल्ल्याचे फीलींग येते. मग जरा जिवाला बरे पण वाटते. तर हा बाऊल घरी करायला तसा सोपा आहे, थोडी तयारी लागते पण घरी नीट जमतो. तर मी असा करते -

ल्येटुसची मोठी ५- ६ पाने (मी रोमेन प्रकारची वापरते)
१ कप शिववलेला भात, शक्यतो शिळा
१ कप शिजवलेले ब्लॅक बीन किंवा राजमा (खाली कृती देते आहे)
१०-१२ काड्या कोथींबीर
२ टोमॅटो
१ मोठा कांदा
१ हिरची मिरची
१/२ वाटी घट्ट दही
१ अव्होकॅडो
१/२ लिंबू
२ टेबलस्पून तेल

पाककृती प्रकार: 

सक्युलंटस्

Submitted by प्रवासी on

सक्युलंटस्! सक्युलंटस्!! सक्युलंटस्!!!

बागकामाचं मला वेड होतं, आवड होती अशातला काही भाग नाही. पण इथे स्वीडनला आल्यापासून मला जाणवायला लागलं कि घरात झाडं हवीत. स्वीडनच्या लांब आणि हार्श विंटरला सहन करण्यासाठी घरात हिरवळ असणं आवश्यक होतं. कारण बाहेर सगळीकडे बर्फ आणि झाडांचे खराटे झाले होते. 
मग सुरु झाला झाडांचा शोध. 
इनडोअर प्लांट्स मध्ये सगळी फिरंगी झाड होती. आपल्या फुलझाडांना ऊन असणं महत्वाचं असतं त्यामुळे ती आधीच लिस्टमधून बाद होती. 
मग काही इनडोअर झाडं आणली. 
पण ते काय म्हणतात तसं,
I was not amused...
मग अचानक आयकिया मध्ये फिरताना ती दिसली. 
सक्युलंटस्...

Keywords: 

लेख: 

क्लोंडायक (Klondike) गोल्ड रश - भाग ४

Submitted by किलमाऊस्की on

क्लोंडायक (Klondike) गोल्ड रश - भाग १
क्लोंडायक (Klondike) गोल्ड रश - भाग २
क्लोंडायक (Klondike) गोल्ड रश - भाग ३

----

क्लोंडायकला पोचण्यासाठी त्यातल्या त्यात सुरक्षित पण तितकाच महागडा मार्ग होता 'समुद्रीमार्ग'. या मार्गाला "श्रीमंत माणसाचा मार्ग" असंही म्हणत असत.

507px-Klondike_Routes_Map2.png


पायवाटा

Submitted by मधुराई on

"तुम्हाला कसा प्रवास आवडतो? स्वप्नातल्या गाडीतून घाटातल्या अवघड रस्त्याने किंवा सहा-आठ पदरी मोठ्या महामार्गाने? ऐन पावसाळ्यात दुचाकीने घाटातले धबधबे बघत थांबत की रखरखत्या उन्हात डोंगर दर्‍यात भटकायला? बाहेर बर्फ पडत असताना रेल्वेत उबदार वातावरणात बसून ते क्षण टिपायला की तंत्रज्ञानाची निसर्गाशी सांगड घालत उंचावर नेऊ शकणार्‍या रोपवेने?" असे कितीही पर्याय दिले तरी त्यातून हमखास एक असा निवडणे कोणाच भटक्याला जमण्यासारखे नाही. कारण यातल्या प्रत्येक प्रकाराची वेगळी गंमत आहे.

Keywords: 

भरतकामाचा कॉमन धागा

Submitted by वल्लरी on

मी केलेलं भरतकाम जास्त नसल्याने माझ्या भरतकामाचा वेगळा धागा काढण्यापेक्षा एक कॉमन धागा काढला आहे,

इथे आपल्याला भरतकामाबद्दलचे डाऊट्स विचारता येतील किंवा सल्ले मागता येतील किंवा इतर माहिती शेअर करता येईल

जिऑग्राफिकल इंडिकेशन अर्थात जी आय

Submitted by गायत्री on

गुढीपाडव्याच्या मेनुवरिल धाग्यात काल आमरस, आम्रखंड याचे फोटो आले, आणि सहाजिकच गाडे आंबा या आवडत्या विषयाकडे वळली. तीच गाडी देवगड आंबा, रत्नागिरी आंबा अशी स्टेशनं पार करुन हापुस आंब्याचा जी आय म्हणजे जिऑग्राफिकल इंडिकेशनच्या स्टेशनवर पोचली. मग त्या धाग्यावर जिऑग्राफिकल इंडिकेशन हा काहीच्या काही अवांतर टॉपिक सुरु झाला म्हणुन हा धागा.

जिऑग्राफिकल इंडिकेशनची म्हणजे हे नाव जसं सुचवतं त्याप्रमाणे, एखाद्या गोष्टीला त्याच्या भौगोलीक स्थानामुळे मिळणारा विशिष्ठ दर्जा.

Odd Man Out (भाग १ ते १५)

Submitted by प्रिया जोशी on

प्रस्तावना-

आज आपल्या देशाच्या प्रजासत्ताक दिनानिमित्त एक कथा तुम्हां वाचकांसमोर प्रस्तुत करते आहे.

देशासाठी जीवाची बाजी लावून लढणाऱ्या सैनिकाचं देशप्रेम आणि त्याग हा तर जगमान्य आहे. पण अशा प्रत्येक सैनिकाच्या पाठीशी उभा असलेला त्याचा परिवार हा बऱ्याचदा पडद्याआड राहातो.

माझी ही कथा त्या प्रत्येक सैनिकाला आणि त्याच्या परिवाराला समर्पित आहे- त्या परिवारातील सदस्यांच्या त्यागाला, त्यांच्या देशप्रेमाला समर्पित आहे.

जयहिंद !

Odd Man Out

"युनिट ची move आलीये."

संग्राम नी घरात आल्या आल्या नम्रताला सांगितलं.

"कुठे?" तिनी हळूच विचारलं.

लेख: 

निरोप

Submitted by प्रफे on

आपण कमालीचे भावूक ते टोकाचे व्यवहारी असे विचार एकाच व्यक्ती बद्दल का करत असतो?
शीणतो जीव या उलघालीत.

बुधवारी आमची आजी ( आईची आई) धाकट्या मामाच्या घरी हैदराबादला पॅरलिसीसचा attack येऊन पडली. मग हॉस्पिटल वगैरे सोपस्कार होऊन गुरुवारी तिने कोणत्याही treatmentला respond करणं बंद केलं. मग ventilator लावणं आणि सर्वांच्या सोयीने मृत्युची वेळ जागा निश्चीत करणं असे फार टोकाचे हळवे तरी व्यवहारी निर्णय घेण्याचे फोनाफोनी सुरु.
तिचं आयुष्य ज्या गावी गेलं -अकोले तिथे हलवणं सर्वानुमते ठरलं.

नी' चे नवरात्र आणि सणासुदीसाठी स्टेटमेंट इअरिंग्ज कलेक्शन

Submitted by नीधप on

नवरात्र आणि सणासुदीसाठी नी चे स्टेटमेंट इअरिंग्ज कलेक्शन.
खोकला, मनगटाची जुनी इंजरी, सायटिका अश्या सगळ्यांनी एकाच वेळेला हल्ला करायचे ठरवल्याने कलेक्शन यायला जाहिर केल्यापेक्षा तब्बल ४-५ दिवस उशीर लागला. पण कलेक्शन आले ना बहिणींनो! :)

हे सगळे कलेक्शन आणि इतरही अजून वस्तू प्रत्यक्ष बघणे, ट्राय करणे आणि मग आवडल्यास खरेदी किंवा आपल्या मनाप्रमाणे काही बदल करून नवीन दागिना बनवून घेण्याची ऑर्डर देणे वगैरेमधे इंटरेस्ट असेल तर पुढच्या वीकेंडला मी ठाण्यात येऊ शकते. नंतर पुण्यातही येणार आहे.

Keywords: 

कलाकृती: 

आर्मेनिया - ४ लवाश आणि सुजुक

Submitted by श्यामली on

लवाश

अर्मेनियन पोळी / ब्रेड
रोजच्या जेवणासाठी लागणाऱ्या पोळी किंवा ब्रेड बाबत आपण भारतीय अतिशय नशिबवान आहोत असं मला आता वाटायला लागलं .
आपल्याकडे बहुतेक घरांमध्ये दोन वेळेला ताज्या पोळ्या केल्या जातात .
एवढंच पुरेसं नाही की काय म्हणून या पोळ्या करण्यासाठी आपल्याला अगदी माफक मोबदला देऊन मदतनीस उपलब्ध होऊ शकतात .

अर्मेनियन लवाश ( ब्रेड ) रुमाली रोटीसारखा दिसतो . तो अशा बेक-यांमध्ये बनवला जातो . बेकरी सरसकट सगळीकडे असेलच असं नाही . मग इतर सामानासोबत लवाश सुपरमार्केटमधून आणून. ठेवायचा तो दुसऱ्या दिवशीच्या नाश्त्यापर्यंत पुरतो .

लवाश बनवना-या अर्मेनियन सुंद-या

Keywords: 

पाने

Subscribe to मैत्रीण RSS