हा ' माझी उन्हाळ्याच्या सुट्टीतली ट्रीप' या विषयावरील निबंध नव्हे. त्यामुळे मी हे पाहिलं (आता खालील फोटोत तुम्हीही पहा), ते पाहिलं (आता खालील फोटोंत तुम्हीही पहा), मी हे खाल्लं (आता खालील फोटोत तुम्हीही पहा), अमेरीकेत जाऊन आल्यानं भारतातील अडचणी कशा ठळक दिसतात (आता तुम्ही या विषयावर भांडा), अमेरिकेत जाऊन आल्यानं अमेरिकेचे दोष कसे अधोरेखित होतात (आता तुम्ही या विषयावर भांडा) हा सगळ्या मुद्द्यांना दुय्यम ठरवण्यात आलं आहे. अर्थात या रसाळ मुद्द्यांचा पूर्ण अनुल्लेख करून त्यांची मजा घालवण्याइतकी मी अरसिक खासच नाही, त्यामुळे पुढे मागे हे मुद्दे आलेच तर होऊन जाऊ द्या!

मी लहान होते, म्हणजे अगदी बालवाडीत तेव्हा हवाहवाई हे गाणे सगळीकडे सारखे वाजायचे. श्रीदेवीचा नाच आणि गाण्याचे वेडेवाकडे शब्द, धमाल यायची पहायला. तेव्हाच कुणीतरी सांगितलेले की हवाई नावाची खरंच एक जागा आहे. ते मनात झालेले हवाईचे बि़जारोपण. नंतर शाळेत कधीतरी दुसर्‍या महायुद्दातील पर्ल हार्बर अ‍ॅटॅकविषयी वाचताना हवाई परत कानावर आले.काय असावे हे हवाई असा विचार तेव्हाही आला मनात. नंतर मग ऑफिसला जायला लागले तेव्हा एका रिट्रीटच्या निमित्ताने गोव्याला गेले होते तेव्हा ऑफिस सेलेब्रेशनची पुर्ण थीम हवाईयन होती. गोव्याचे मॅरिअट तसेही सुंदर आहे. म्हणजे तेव्हातरी होते.

माझ्या ओळखीतल्या एका कुटुंबाला वैष्णोदेवीला जायचं आहे. त्यासाठी त्यांना हेलिकॉप्टर टूर करायची आहे. कोणाला याबाबत काही माहिती आहे का? कोणी केली आहे का? प्लीज माहिती द्या.

मुलींनो, जून महिन्यात २ आठवडे स्विझर्लंडला जायचा प्लॅन आहे. म्हणजे सध्या झ्युरिकचे टू अँड फ्रो ति़कीट काढले आहे. २ आठवडे स्विझर्लंडमध्ये घालवायचे का शेजारच्या एखाद्या देशाला (ऑस्ट्रिया/जर्मनी/इटलीचा न पाहिलेला भाग) पण भेट द्यायची हे नक्की केले नाही आहे. इथे बर्‍याच जणी स्विझर्लंडला जाऊन आलेल्या आहेत. तर तुमच्या सजेशन्सची गरज आहे. आम्ही अजून हॉटेल (किंवा आजकाल airbnb वरुन अपार्टमेंट बूक करतो) बूक केले नाही आहे. फक्त एकाच ठिकाणी राहणार नाही आहोत (म्हणजे बेस फक्त झ्युरिक नाही). राहण्याच्या फिरण्याच्या दृष्टीने कोणती ठिकाणे रेकमेंड कराल? आमचा प्रवास हा मुख्यत्वे रेल्वेनीच होईल.