सीझर किक ते फॉसबरी फ्लॉप...व्हाया स्ट्रॅडल/ वेस्टर्न रोल...उंच उडी (खेळण्याचे दिवस ...भाग २)
कधी तरी टीव्हीवर जागतिक अ‍ॅथलॅटिक्स बघत होते. आणि वाटलं लिहावंच काहीतरी. विशेषत: उंच उडीबद्दल. माझा इव्हेन्ट!
आता वयाच्या या टप्प्यावर येऊन पोचल्यावर बर्‍याच गोष्टींसाठी सिंहावलोकन केलं जातं. किंबहुना गत काळाच्या खूप आठवणी कधीही कश्याही मनात उचंबळून गर्दी करतात. आणि कधी कधी गत काळातल्या काही काही आठवणांचं काही तरी वेगळंच इन्टरप्रिटेशन मनात होतं. तर असंच हे टीव्हीवर जागतिक अ‍ॅथलॅटिक्स बघताना वाटलं की आता या आपल्या अगदी जिव्हाळ्याच्या विषयावर काही तरी लिहावंच!

मी खेळ/ क्रीडा या विषयावर लिहीणं यापेक्षा मोठा जोक नाही. आयुष्यात मी कधी कुठलाही खेळ फार हौशीने खेळले नाहीये. समस्त क्रीडाप्रकारांचा मला जन्मजात कंटाळा. माझ्या मते या जगात एकच क्रीडाप्रकार - तोंड चालवणे. गप्पा मारणे हा माझ्या मते एक क्रीडाप्रकार आहे - आणि सर्वांत उत्तम क्रीडाप्रकार आहे.

मला आठवतय - फारा-फारा वर्षापूर्वी आपल्या मामीनी कुठेतरी निबंध लिहीला होता - माझा आवडता छंद - गप्पा मारणे . (कधी नव्हे ते) फार आवडलेला आणि पटलेला तो निबंध मला. (हे बहुदा मामीशी झालेलं पहिलं आणि शेवटचं एकमत!)

सृजनाच्या वाटा - क्रीडा-जगत

ऑगस्टमध्ये क्रीडा जगतातला सर्वात मोठा सोहळा होतो आहे. समर ऑलिंपिक्स! ५ ऑगस्टला रिओ, ब्राझिल इथं उद्घाटन सोहळा आणि त्यानंतर क्रीडाप्रेमींना पर्वणीच असे दोन आठवडे! यानिमित्त मैत्रीणवर सोहळ्याचे, त्यातल्या स्पर्धांचे धागे निघतीलच पण "सृजनाच्या वाटा" उपक्रमामध्ये ऑगस्ट महिन्यासाठी यानिमित्ताने खालील विषयांवर मैत्रीणींनी लेखन/रेखाटन करावं असं आवाहन करत आहोत-

१. शाळा- कॉलेजात खेळलेला/खेळत असलेला खेळ
२. आवडता/आवडते खेळ
३. आवडता/आवडते खेळाडू
५. लहानपणीचे खेळ, आठवणी
४. स्वतः तयार केलेला खेळ
५. खेळांची चित्रे, फोटो.
६. खेळ आणि पैसा
७. खेळातलं राजकारण